சிவகங்கை மாவட்டம் காரைக்குடி அருகே ‘தென் திருப்பதி’ என்றழைக்கப்படும் அரியக்குடி திருவேங்கடமுடையான் கோயிலில் வைகாசிப்பெருந்திருவிழாவையொட்டி அலங்கார பங்களா தெப்ப உற்சவம் வெள்ளிக்கிழமை இரவு நடைபெற்றது.

பிரசித்தி பெற்ற வைணவ தலமான இக்கோயிலில் வைகாசி பெருந்திருந்திருவிழா கடந்த ஜூன் 6-ஆம் தேதி கொடியேற்றத்துடன் தொடங்கியது.

அன்று முதல் தினந்தோறும் சுவாமி வெவ்வேறு வாகனங்களில் எழுந்தருளிய திருவீதியுலா நடைபெற்றது.

முக்கிய நிகழ்ச்சியாக 9-ஆம் நாள் தேரோட்டம் கடந்த செவ்வாய்க்கிழமை (ஜூன் 14) நடைபெற்றது. 12-ஆம் நாள் வெள்ளிக்கிழமை இரவு தெப்ப உற்சவம் நடைபெற்றது.

இதற்காக கோயில் குளத்தில் மின்னொளியுடன் கூடிய அலங்கார பங்களா தெப்பம் அமைக்கப்பட்டிருந்தது. அதில் ஸ்ரீதேவி, பூதேவியுடன் சுவாமி எழுந்தருளினாா். அதைத்தொடா்ந்து தீபாராதனைகள் நடைபெற்றன.

குளத்தில் மூன்று முறை வலம் வந்து 6 படிக்கரைகளிலும் சுவாமி காட்சியளித்தாா். இந்நிகழ்ச்சி நள்ளிரவு வரை நடைபெற்றது. மேலும் வாணவேடிக்கைகளும் நிகழ்த்தப்பட்டன. விழாவில் காரைக்குடி, தேவகோட்டை மற்றும் சுற்றுவட்டாரங்களிலிருந்தும் ஏராளமான பக்தா்கள் பங்கேற்று சுவாமி தரிசனம் செய்தனா்.