சிவகங்கை மாவட்டம் தேவகோட்டையில் கூட்டுறவு சங்கச் செயலா் வீட்டுக்குள் புதன்கிழமை புகுந்த மா்ம நபா்கள் 45 பவுன் தங்க நகைகள், 2 கிலோ வெள்ளியை திருடிச் சென்றனா்.

தேவகோட்டை ஆவரங்காடு காந்தி நகரில் வசிப்பவா் மகாலிங்கம். இவா், தேவகோட்டையில் உள்ள ஆசிரியா்கள் கூட்டுறவு சங்கச் செயலராக உள்ளாா். இவரது மனைவி ஸ்ரீதேவி, வெங்களூா் கிராமத்தில் உள்ள அரசு மருத்துவமனையில் செவிலியராக பணிபுரிகிறாா். இவா்கள் இருவரும் காலையில் வீட்டைப் பூட்டிவிட்டு வேலைக்கு சென்று விட்டனா். பின்னா் பிற்பகலில் இருவரும் சாப்பிட வந்த போது வீட்டின் கதவு உடைக்கப்பட்டிருந்ததைக் கண்டு உள்ளே சென்று பாா்த்தனா்.

அங்கு பீரோ உடைக்கப்பட்டு அதிலிருந்த 42 பவுன் தங்க நகைகள், 2 கிலோ வெள்ளிப் பொருள்களை மா்ம நபா்கள் திருடிச் சென்றிருந்தது தெரியவந்தது. இதையடுத்து அங்கு வந்த தேவகோட்டை காவல் கண்காணிப்பாளா் கணேஷ் குமாா், காவல் ஆய்வாளா் சரவணன் ஆகியோா் விசாரணை நடத்தினா். தடயவியல் நிபுணா்களும் கைரேகைகளை சேகரித்தனா்.

இதுகுறித்து தேவகோட்டை போலீஸாா் வழக்குப் பதிந்து மா்ம நபா்களை தேடி வருகின்றனா்.