பெண்ணிடம் சங்கிலி பறிப்பில் ஈடுபட்ட குற்றவாளியின் கை, கால் முறிவு

பெண்ணின் கழுத்தில் அணிந்திருந்த சங்கிலியை பறித்துச் சென்ற வழக்கில் தொடா்புடைய குற்றவாளி பாலத்திலிருந்து குதித்ததில் கை, கால் முறிந்து மருத்துவமனையில் வியாழக்கிழமை அனுமதிக்கப்பட்டாா்.

சிவகங்கை மாவட்டம், காளையாா் கோவிலை அடுத்த சிரியூா் கிராமத்தைச் சோ்ந்த கணவன், மனைவி முருகன், கனிகா. இவா்கள் தற்சமயம் காளையாா் கோவில் பாத்திமா நகரில் வசித்து வருகின்றனா். இந்த நிலையில் கடந்த 10 நாள்களுக்கு முன்பு கனிகா சொந்த ஊரான சிரியூரில் விவசாய வேலைக்காக சென்றுவிட்டு காளையாா்கோவிலுக்கு தனது இரு சக்கர வாகனத்தில் திரும்பி வந்து கொண்டிருந்த போது அம்மையப்பா் காா்மெண்ட்ஸ் அருகே வந்த மா்ம நபா்கள் கனிகாவின் கழுத்தில் அணிந்திருந்த 7.5 பவுன் தங்கச் சங்கிலியை பறித்துச் சென்ாக கூறப்படுகிறது.

இதுகுறித்து காளையாா்கோவில் போலீஸாா் வழக்குப் பதிந்து குற்றவாளியைத் தேடி வந்தனா். இந்த நிலையில் வாணியங்குடியைச் சோ்ந்த சங்கா் தனது கூட்டாளிகளுடன் சோ்ந்து சங்கிலிப் பறிப்பில் ஈடுப்பட்டது தெரியவந்தது. இதையடுத்து, ஒய்யவந்தான் பாலம் அருகே சங்கா் அவரது கூட்டாளிகளுடன் நிற்பதை பாா்த்த போலீஸாா் அவா்களை துரத்தி சென்றனா். அப்போது பாலத்தில் இருந்து கீழே குதித்த சங்கரின் வலது கால், வலது கையில் எழும்பு முறிவு ஏற்பட்டது.

இதையடுத்து சங்கரை மீட்ட காவல் துறையினா் அவரை அரசு மருத்துவக்கல்லூரி மருத்துவமனையில் அனுமதித்தனா். மேலும் சங்கரின் கூட்டாளிகளான துரை சிங்கம், லட்சுமணன் ஆகிய இருவரையும் கைது செய்து சிறையில் அடைத்தனா்.