தேனி மின் வாரிய செயற்பொறியாளர் அலுவலகத்தில் ஜூலை 18 (செவ்வாய்கிழமை) காலை 11 மணிக்கு மின் நுகர்வோர் குறைதீர் கூட்டம் நடைபெறுகிறது.
தேனி மின் வாரிய மேற்பார்வை பொறியாளர் தலைமையில் நடைபெறும் கூட்டத்தில் தேனி, போடி, ராசிங்காபுரம் துணை மின் நிலையங்கள் மூலம் மின் விநியோகம் பெறும் பகுதிகளைச் சேர்ந்த பொதுமக்கள் கலந்து கொண்டு, மின் விநியோகத்தில் உள்ள குறைபாடு, புதிய மின் இணைப்பு பெறுவதில் உள்ள சிரமம் ஆகியவை குறித்து மனு அளித்து தீர்வு காணலாம்.  தேனி மின் வாரிய செயற்பொறியாளர் சி.பாலமுருகன் இதனைத் தெரிவித்தார்.