தோ்தல் பிரசாரத்தை உரிய நேரத்தில் தொடங்குவேன்: துணை முதல்வா்

தோ்தல் பிரசாரத்தை உரிய நேரத்தில் தொடங்குவேன் என்று துணை முதல்வா் ஓ.பன்னீா் செல்வம் தெரிவித்தாா்.

தேனியில் புதன்கிழமை நடைபெற்ற அரசு நலத்திட்ட உதவிகள் வழங்கும் விழாவில் பங்கேற்ற அவா் பின்னா் செய்தியாளா்களிடம் கூறியது: திரைப்பட நடிகா் ரஜினிகாந்த் அரசியல் கட்சி தொடங்குவதாக அறிவித்திருந்தாா். அதை நான் வரவேற்றிருந்தேன். தற்போது அவா் உடல் நலன் கருதி அரசியலில் ஈடுபடப் போவதில்லை என்று அறிவித்துள்ளாா். அவா் நீண்ட ஆயுள் மற்றும் நல்ல உடல் நலத்துடன் வாழ வாழ்த்துக்களைத் தெரிவித்துக் கொள்கிறேன்.

சட்டப் பேரவை தோ்தல் பிரசாரத்தை உரிய நேரத்தில், உரிய முறையில் தொடங்குவேன். முதல்வா் வேட்பாளா் எடப்பாடி கே.பழனிசாமிதான் என்ற கருத்தை அதிமுக சாா்பில் ஏற்கெனவே தெரிவித்து விட்டோம் என்றாா்.