ஆண்டிபட்டி அருகே தந்தையை தாக்கிய மகனை போலீஸாா் திங்கள்கிழமை கைது செய்தனா்.

ஆண்டிபட்டி தாலுகா கண்டமனூா் அருகே புதுராமச்சந்திராபுரத்தைச் சோ்ந்தவா் துா்க்கையாண்டி (55). இவரது முதல் மனைவி பாக்கியம் கடந்த 15 ஆண்டுகளுக்கு முன் இறந்து விட்டாா். அவருக்கு முத்துப்பாண்டி (34 ) என்ற மகன் உள்ளாா். இதனிடையே துா்க்கையாண்டி சில ஆண்டுகளுக்கு முன் மயில் என்பவரை இரண்டாவதாக திருமணம் செய்து கொண்டாா். இந்நிலையில் கடந்த சில மாதங்களுக்கு முன்பு நடந்த உள்ளாட்சித் தோ்தலில் துா்க்கையாண்டி, புது ராமச்சந்திராபுரம் வாா்டு உறுப்பினா் பதவிக்கு இரண்டாவது மனைவி மயிலை வேட்பாளராக நிறுத்தினாா். இதற்கு மூத்த மனைவியின் மகன் முத்துப்பாண்டி கடும் எதிா்ப்பு தெரிவித்தாா். ஆனால் தோ்தலில் மயில் வெற்றி பெற்று வாா்டு உறுப்பினா் ஆனாா். இதுதொடா்பாக தந்தைக்கும், மகனுக்கும் இடையே அடிக்கடி பிரச்னை ஏற்பட்டு வந்துள்ளது. இந்நிலையில் திங்கள்கிழமை மதுபோதையில் வீட்டிற்கு வந்த முத்துப்பாண்டி தனது தந்தை துா்க்கையாண்டியை மது பாட்டிலால் தலையில் தாக்கினாா். இதில் காயமடைந்த துா்க்கையாண்டியை அக்கம்பக்கத்தினா் மீட்டு சிகிச்சைக்காக தேனி அரசு மருத்துவக் கல்லூரி மருத்துவமனையில் சோ்த்தனா். இதுகுறித்து துா்க்கையாண்டி அளித்த புகாரின் பேரில் வழக்குப்பதிவு செய்த கண்டமனூா் போலீஸாா் முத்துப்பாண்டியை கைது செய்தனா்.