கம்பம் வாக்குச்சாவடி மையங்களுக்கு வாக்குப்பதிவு இயந்திரங்கள் அனுப்பிவைப்பு

கம்பம் சட்டமன்றத் தொகுதியிலுள்ள 392 வாக்குச்சாவடி மையங்களுக்கு வாக்குப்பதிவு இயந்திரங்களை தேர்தல் அலுவலர், போலீஸ் பாதுகாப்புடன் அனுப்பி வைக்கப்பட்டது. 

தேனி மாவட்டம், கம்பம் சட்டமன்றத் தொகுதியில் 392 வாக்குச்சாவடி மையங்கள் அமைக்கப்பட்டுள்ளன. இந்நிலையில் உத்தமபாளையம் வட்டாட்சியர் அலுவலக அலுவலகத்திலிருந்து வாக்குச்சாவடி மையங்களுக்கு தேவையான 392 கண்ட்ரோல் யூனிட், பேலட் யூனிட் மற்றும் விவிபேட் தனித்தனியாக அனுப்பி வைக்கப்பட்டன.

இதனுடன் வாக்காளர்களுக்கு விரலில் வைக்கப்படும் மை, எழுது பொருள்கள், போட்டியிடும் 16 வேட்பாளர்களின் பெயர், சின்னங்கள் அச்சிடப்பட்ட விபரம் உள்ளிட்டவை அனுப்பி வைக்கப்பட்டன.

இதையும் படிக்கலாமே.. கரோனா நோயாளிகள் இந்தத் தவறை செய்ய வேண்டாம்: மும்பை மாநகராட்சி

இந்த நிகழ்ச்சியில் கம்பம் சட்டமன்ற தொகுதி தேர்தல் நடத்தும் அலுவலர் மற்றும் உத்தமபாளையம் வருவாய் கோட்டாட்சியர் சக்திவேல் மற்றும் உத்தமபாளையம் வட்டாட்சியர் உதய ராணி உத்தமபாளையம் காவல் துணை கண்காணிப்பாளர் சின்னகண்ணு உள்ளிட்ட பலரும் கலந்து கொண்டனர்.