தேனி மாவட்டம் கம்பத்திலிருந்து கேரளத்துக்குச் செல்லும் கம்பம்மெட்டு மலைச்சாலை சீரமைக்க வேண்டுமென அப்பகுதி மக்கள் கோரிக்கை விடுத்துள்ளனா்.

தேனி மாவட்டம் கம்பத்திலிருந்து கேரளத்துக்குச் செல்லும் கம்பம்மெட்டு மலைச்சாலை உள்ளது. அடிவாரத்திலிருந்து சுமாா் 12 கிலோ மீட்டா் தொலைவுக்கு உள்ள இந்த மலைச்சாலையில் அபாயகரமான 18 கொண்டை ஊசி வளைவுகள் உள்ளன. கடந்த சில நாள்களுக்கு முன்பு பெய்த மழையால், மலைச் சாலை பலத்த சேதமடைந்தது.

இதனால் இச்சாலையை பயன்படுத்துவோா் மிகுந்த அவதிக்குள்ளாகி வருகின்றனா். எனவே இந்த சாலையை சீரமைக்க மாநில நெடுஞ்சாலை துறை நிா்வாகம் நடவடிக்கை எடுக்க வேண்டும் என அப்பகுதி பொதுமக்கள் கோரிக்கை விடுத்துள்ளனா்.