இடை நிலை ஆசிரியா் எழுத்துத் தோ்வு: தேனி மாவட்டத்தில் 661 போ் எழுதினா்

தேனி மாவட்டத்தில் ஆசிரியா் தோ்வு வாரியம் சாா்பில் நடைபெற்ற இடைநிலை ஆசிரியா் பணிக்கான எழுத்துத் தோ்வை ஞாயிற்றுக்கிழமை, 661 போ் எழுதினா்.

அரசு தொடக்கப் பள்ளிகளில் காலியாக உள்ள 2,768 இடை நிலை ஆசிரியா் பணியிடங்களை நிரப்புவதற்கு தமிழ்நாடு ஆசிரியா் தோ்வு வாரியம் சாா்பில் எழுத்துத் தோ்வு நடைபெற்றது. தேனி மாவட்டத்தில் தேனி நாடாா் சரஸ்வதி பெண்கள் மேல்நிலைப் பள்ளி, பி.சி.பெண்கள் மேல்நிலைப் பள்ளி ஆகிய 2 தோ்வு மையங்களில் எழுத்துத் தோ்வு நடைபெற்றது.

இந்தத் தோ்வை எழுதுவதற்கு மாவட்டத்தில் மொத்தம் 704 போ் விண்ணப்பித்திருந்தனா். இதில் 661 போ் தோ்வு எழுதினா். 43 போ் தோ்வு எழுத வரவில்லை. தோ்வு நடைபெறுவதை மாவட்ட ஆட்சியா் ஆா்.வி.ஷஜீவனா ஆய்வு செய்தாா்.