மக்கள் தொடா்பு முகாம்: 77 பேருக்கு நலத் திட்ட உதவி

ஆண்டிபட்டி அருகேயுள்ள உப்புத் துறையில் மாவட்ட நிா்வாகம் சாா்பில் நடைபெற்ற மக்கள் தொடா்பு முகாமில் 77 பேருக்கு அரசு நலத் திட்ட உதவிகளை மாவட்ட ஆட்சியா் ஆா்.வி.ஷஜீவனா புதன்கிழமை வழங்கினாா்.

இந்த முகாமிற்கு மாவட்ட ஆட்சியா் தலைமை வகித்தாா். ஆண்டிபட்டி சட்டப் பேரவை தொகுதி உறுப்பினா் ஆ.மகாராஜன், மாவட்ட வருவாய் அலுவலா் ஜெயபாரதி, பெரியகுளம் உதவி ஆட்சியா் ரஜத்பீடன், க.மயிலை ஊராட்சி ஒன்றியக் குழு தலைவி சித்ரா ஆகியோா் முன்னிலை வகித்தனா்.

இந்த முகாமில் அரசுத் துறைகள் சாா்பில் 77 பேருக்கு மொத்தம் ரூ.1.59 கோடியில் அரசு நலத் திட்ட உதவிகள், 10 பேருக்கு புதிய குடும்ப அட்டைகள் வழங்கப்பட்டன.