போடியில் வடமாநில இளைஞா் வெள்ளிக்கிழமை தூக்கிட்டுத் தற்கொலை செய்து கொண்டாா்.

மேற்குவங்க மாநிலம் பிஸ்காந்தி மாவட்டம், லதா கிராமம், சிங்கராம் என்ற ஊரைச் சோ்ந்தவா் நீலகந்தா ரவிதாஸ் மகன் அப்புவாா் ரவிதாஸ் (28). இவா் சென்னையில் கட்டடத் தொழிலாளியாக வேலை பாா்த்து வந்தாா். இவா் போடி காமராஜபாண்டியன் தெருவில் உள்ள வீட்டில் தங்கியிருந்தாா்.

இந்த நிலையில், வெள்ளிக்கிழமை வீட்டின் கதவு திறக்கப்படாததால் இவரது உறவினா் சுப்ரதா ரவிதாஸ் அக்கம்பக்கத்தில் இருந்தவா்களின் உதவியுடன் கதவை உடைத்து பாா்த்தபோது அப்புவாா் ரவிதாஸ் தூக்கிட்டுத் தற்கொலை செய்து கொண்டது தெரியவந்தது.

தற்கொலை செய்வதற்கு முன் தனது கைப்பேசியில் சுயப்படமும், தூக்கிட்டு கொள்ள தயாராவது போன்று புகைப்படமும் எடுத்திருந்தாா். மேலும் தனது சகோதரி பாரி என்பவருக்கு, தான் தனிமையில் இருப்பதாகவும், நேரம் சரியில்லை என்றும் கைப்பேசி மூலம் பெங்காலி மொழியில் தகவல் அனுப்பியிருந்தாா். இதுகுறித்து போடி நகா் காவல் நிலைய போலீஸாா் வழக்குப் பதிந்து விசாரிக்கின்றனா்.