ஸ்ரீவில்லிபுத்தூர், லயன்ஸ் மெட்ரிக்குலேஷன் மேல்நிலைப் பள்ளியில் கிறிஸ்துமஸ் விழா முதல்வர் ஜி.எஸ்.ராஜேந்திரன் தலைமையில் நடைபெற்றது.

துணை முதல்வர் டி.முத்து்ககுமார் வரவேற்றார். மாணவ மாணவியர் இயேசு கிறிஸ்துவின் பிறப்பைக் குறிக்கும் பல்வேறு குறு நாடகங்கள் நடித்து, கிறிஸ்துமஸ் பாடல்கள் பாடினர். உலகில் சமாதானம், சந்தோஷம் நிலவ சிறப்பு பிரார்த்தனை நடைபெற்றது. கிறிஸ்துமஸ் தாத்தா பரிசுகள் மற்றும் இனிப்புகள் வழங்கினார்.

விழாவில் பள்ளியின் செயலர் மற்றும் தாளாளர் எஸ்.ஆர்.முருகராஜன், பள்ளிக்குழு தலைவர் எஸ்.குணசேகரன், பொருளாளர் எம்.கே.முகமது மைதீன், அரிமா சங்கத் தலைவர் வி.ஆர்.நடராஜன், செயலர் ஆர்.முனியாண்டி, பொருளாளர் எல்.சாத்தப்பன் மற்றும் பெற்றோர்கள் கலந்து கொண்டனர்.