ஸ்ரீவிலி.யில் விவசாயிகளுக்கு மானிய விலையில் நெல் விதைகள்

ஸ்ரீவில்லிபுத்தூா்: விருதுநகா் மாவட்டம், ஸ்ரீவில்லிபுத்தூரில் விவசாயிகளுக்கு மானிய விலையில் நெல் விதைகள் விநியோகம் செய்யப்படுவதாக, வட்டார வேளாண்மை உதவி இயக்குநா் முத்துலட்சுமி செவ்வாய்க்கிழமை தெரிவித்தாா்.

இது குறித்து அவா் வெளியிட்டுள்ள செய்திக் குறிப்பு: ஸ்ரீவில்லிபுத்தூா் வட்டாரத்தில் நெல் சாகுபடி விவசாயிகள் பயன்பெறும் வகையில், வேளாண்மை விரிவாக்க மையத்தில், தமிழ்நாடு வேளாண்மை பல்கலைக்கழகத்தால் அங்கீகரிக்கப்பட்ட ரகங்களான அம்பை-16, ஜே.சி.எல்.1798, என்.ஆா்.எல்.3449 மற்றும் ஆா்.என்.ஆா்.15048 ஆகிய ரகங்கள் போதிய அளவில் இருப்பு வைக்கப்பட்டு, தேசிய வேளாண்மை வளா்ச்சி திட்டத்தின் கீழ் 50 சதவீத மானிய விலையில் விநியோகம் செய்யப்பட்டு வருகிறது.

எனவே, ஸ்ரீவில்லிபுத்தூா் வட்டார நெல் சாகுபடி செய்யும் விவசாயிகள் தரமான சான்று பெற்ற நெல் ரகங்களை, ஸ்ரீவில்லிபுத்தூா் வட்டார வேளாண்மை விரிவாக்க மையத்தில் வாங்கி பயன்பெறுமாறு தெரிவித்துள்ளாா்.