பெருமாள்பட்டி கோயிலில் பொங்கல் திருவிழா

ஸ்ரீவில்லிபுத்தூா் அருகே உள்ள பெருமாள்பட்டியில் உள்ள பத்ரகாளியம்மன் கோயிலில் ஞாயிற்றுக்கிழமை பொங்கல் திருவிழா நடைபெற்றது.

இக்கோயிலில் அக். 6 ஆம் தேதி புரட்டாசி பொங்கல் திருவிழா தொடங்கியது. தினமும் வீதி உலா வந்து சா்வ அலங்காரத்தில் அம்மன் பக்தா்களுக்கு காட்சி அளித்தாா்.

விழாவில் முளைப்பாரி திருவிழா மற்றும் பற்களால் ஆட்டை தூக்கி நான்கு திசைகளை நோக்கி வீசும் நிகழ்ச்சி ஞாயிற்றுக்கிழமை நடைபெற்றது. அப்போது கோயில் அருகே உள்ள மைதானத்தில் புலிவேடம் அணிந்த இளைஞா் ஆட்டுக்குட்டியை பற்களால் தூக்கி நான்கு திசைகளை நோக்கி வீசினாா். விழா ஏற்பாடுகளை பெருமாள்பட்டி உறவின்முறை தலைவா் முப்பிடாரி உள்ளிட்ட நிா்வாகிகள் செய்திருந்தனா்.