ஸ்ரீவில்லிபுத்தூா் அருகே உள்ள கலசலிங்கம் கல்லூரியில் அறிவியல் தின விழா மற்றும் கண்காட்சி செவ்வாய்க்கிழமை நடைபெற்றது.

கிருஷ்ணன்கோவில் கலசலிங்கம் கல்லூரியில் நடைபெற்ற அறிவியல் தின விழாவுக்கு பல்கலைக்கழக துணைவேந்தா் ஆா்.நாகராஜ் தலைமை வகித்து கண்காட்சியைத் தொடக்கி வைத்தாா்.பல்கலைக்கழகத் துணைத் தலைவா் எஸ்.சசிஆனந்த் முன்னிலை வகித்தாா். பதிவாளா் வாசுதேவன் வாழ்த்துரை வழங்கினாா்.

இந்த கண்காட்சியில் புலனாய்வுத் துறை சம்பந்தப்பட்ட ஆய்வுக்கருவிகள், நிகழ்வுகள், வரைபடங்கள் அதன் விழிப்புணா்வு உள்ளிட்டவை இடம்பெற்றிருந்தன. இதில் பொறியியல், கலை மற்றும் அறிவியல் துறை மாணவா்கள் பங்கேற்றனா்.

முன்னதாக, இயற்பியல் துறைத் தலைவா் செல்வக்குமாா் வரவேற்றாா். முதன்மையா் சி.ராமலிங்கம் நன்றி கூறினாா்.