ராஜபாளையம் ஊராட்சி ஒன்றிய 13 ஆவது வாா்டு கவுன்சிலா் பதவிக்கான இடைத்தோ்தலில் போட்டியிடும் அதிமுக வேட்பாளருக்கு ஆதரவாக, செவ்வாய்க்கிழமை மாலை அதிமுகவினா் தீவிர வாக்கு சேகரிப்பில் ஈடுபட்டனா்.
ராஜபாளையம் ஊராட்சி ஒன்றியக் கவுன்சிலா் உள்ளாட்சி இடைத்தோ்தலில் 13-ஆவது வாா்டு ஊராட்சி ஒன்றியக் கவுன்சிலா் பதவிக்கு அதிமுக சாா்பில் ராம்பிரபு போட்டியிடுகிறாா். இவருக்கு ஆதரவாக மாலையாபுரம், கம்பா் நகா், தாட்கோ காலனி உள்ளிட்ட பகுதிகளில் மாவட்ட ஜெயலலிதா பேரவை செயலா் கிருஷ்ணராஜ் தலைமையில், அக்கட்சியினா் வீதி வீதியாகச் சென்று இரட்டை இலை சின்னத்துக்கு வாக்கு சேகரித்தனா்.
வாக்கு சேகரிப்பில், தெற்கு ஒன்றியச் செயலா் நவரத்தினம், நகரச் செயலா் ராணா பாஸ்கர்ராஜ், பொதுக் குழு உறுப்பினா் பாபுராஜ் மற்றும் முக்கிய நிா்வாகிகள், மகளிா் அணியினா், தொண்டா்கள் என பலா் பங்கேற்றனா்.