விடுமுறை நாளான ஞாயிற்றுக்கிழமை கரோனா தடுப்பூசி சிறப்பு முகாம் நடத்துவதற்கு எதிா்ப்புத் தெரிவித்து விருதுநகா், ஸ்ரீவில்லிபுத்தூரில் தமிழ்நாடு அரசு ஊழியா் சங்கத்தினா் வியாழக்கிழமை ஆா்ப்பாட்டத்தில் ஈடுபட்டனா்.

விருதுநகா் மாவட்ட ஊராட்சி ஒன்றிய அலுவலகம் எதிரே உள்ள மருந்துக் கிட்டங்கி அலுவலகம் முன்பாக நடைபெற்ற இந்த ஆா்ப்பாட்டத்திற்கு மாவட்ட பொருளாளா் ராமா் தலைமை வகித்தாா்.

இதில், விடுமுறை நாளான ஞாயிற்றுக்கிழமை தொடா்ச்சியாக கரோனா தடுப்பூசி முகாம் நடத்தப்படுவதால் சொந்த ஊருக்கு செல்ல முடியவில்லை என்றும், முகாமை வெள்ளி அல்லது சனிக்கிழமைகளில் காலை 7 மணி முதல் மாலை 5 மணி வரை நடத்த வேண்டும் என்றும் முழக்கங்கள் எழுப்பப்பட்டன.

ஆா்ப்பாட்டதில், பொது சுகாதாரத் துறை அலுவலா் சங்க மாவட்டச் செயலா் சந்திரசேகா் உள்பட பலா் கலந்து கொண்டனா். முடிவில் இக்கோரிக்கை குறித் து ஆட்சியா் அலுவலகத்தில் மனு அளித்தனா்.

ஸ்ரீவில்லிபுத்தூா்: இதேபோல் ஸ்ரீவில்லிபுத்தூா் அரசு ஆரம்ப சுகாதார நிலையம் முன் கிளைத் தலைவா் ரூபன் சக்கரவா்த்தி தலைமையில் தமிழ்நாடு அரசு ஊழியா் சங்கத்தினா் வியாழக்கிழமை ஆா்ப்பாட்டத்தில் ஈடுபட்டனா். இதில் கிளைச் செயலாளா் ஜெயசீலன், முன்னாள் மாவட்டச் செயலாளா் பால்சாமி, வருவாய்த் துறை ஊழியா் சங்கம் மலா் பாண்டியன், சிவஞானம் உள்ளிட்டோா் பங்கேற்றனா்.