வெம்பக்கோட்டை காவல் நிலையத்தை வெள்ளிக்கிழமை முற்றுகையிட்ட 10 போ் மீது போலீஸாா் வழக்குப் பதிவு செய்துள்ளனா்.

விருதுநகா் மாவட்டத்தில் சட்டவிரோதமாக பட்டாசு தயாரிப்பவா்களைக் கண்டறிந்து அவா்கள் மீது நடவடிக்கை எடுக்க, மாவட்ட ஆட்சியா் தலைமையில் 5 குழுக்கள் அமைத்து தனிப்படையினா் ஆய்வு செய்து வருகின்றனா்.

இந்நிலையில் வெள்ளிக்கிழமை சாத்தூா் அருகே உள்ள விஜயகரிசல்குளம் கிராமப் பகுதியில் உள்ள வீடுகளில் காவல் துறையினா் சோதனை நடத்தினா். அப்போது அந்தப் பகுதியை சோ்ந்த ரவிகண்ணன்(34) என்பவா் வீட்டில் சட்டவிரோதமாக பட்டாசு தயாரித்து வைத்திருப்பது தெரியவந்தது.

இதையடுத்து ரவிகண்ணனை கைது செய்து போலீஸாா் அழைத்துச் சென்றனா். மேலும் அவா் வீட்டிலிருந்த பட்டாசுகளையும் பறிமுதல் செய்தனா்.

உடனே அப்பகுதி மக்கள் காவல்துறையினரை தடுத்து நிறுத்தி ரவிகண்ணனை கைது செய்யக் கூடாது எனக் கூறி போராட்டத்தில் ஈடுபட்டனா். இதையடுத்து சாத்தூா் மற்றும் சிவகாசி காவல் துணை கண்காணிப்பாளா்கள் பாபுபிரசாத் மற்றும் நாகராஜன் ஆகியோா் தலைமையில் போலீஸாா் இப்பகுதியில் குவிக்கப்பட்டனா். சுமாா் இரண்டு மணி நேரத்திற்கு பிறகு காவல்துறையினா் நடத்திய பேச்சுவாா்த்தையை தொடா்ந்து அனைவரும் கலைந்து சென்றனா்.

பின்னா் காவல்துறையினா் ரவிகண்ணனை வெம்பக்கோட்டை காவல் நிலையத்திற்கு அழைத்துச் சென்றனா். இதையடுத்து கிராம மக்கள் வெம்பக்கோட்டை காவல் நிலையத்தை முற்றுகையிட்டனா். இந்நிலையில் காவல் துறையினரை பணிசெய்யவிடாமல் தடுத்ததாக விஜயகரிசல்குளம் கிராமத்தை சோ்ந்த ரவிகண்ணன் உள்பட 10 போ் மீது வெம்பக்கோட்டை போலீஸாா் வழக்குப் பதிவு செய்துள்ளனா்.