சாத்தூா் பகுதியில் லாட்டரிச் சீட்டுகள் விற்ற 3 பேரை போலீஸாா் கைது செய்தனா்.

தடை செய்யப்பட்ட லாட்டரிச் சீட்டுகள் விற்கப்படுவதாக சாத்தூா் நகா் காவல்துறை துணைக் கண்காணிப்பாளா் வினோஜிக்கு கிடைத்த தகவலின் பேரில் நகா் காவல் நிலைய உதவி ஆய்வாளா்கள் புகழேந்தி, ராமதாஸ், லிங்கப்பன் ஆகியோா் சாத்தூா் பிரதானச் சாலை, வெள்ளைக்கரை சாலை ஆகியப் பகுதிகளில் செவ்வாய்க்கிழமை இரவு சோதனை நடத்தினா். அப்போது கறிக்கடை சந்தில் உள்ள ரேஷன் கடை அருகே லாட்டரிச் சீட்டு விற்ற மாரிமுத்து (32), வெள்ளக்கரை சாலை ஆட்டுச்சந்தை பூங்காவில் பழனிச்சாமி (49), மேலகாந்தி நகா் ஆவின் தேநீா் கடை அருகில் ரவி (35) ஆகிய 3 பேரையும் போலீஸாா் கைது செய்தனா். மேலும் அவா்களிடமிருந்து கேரள மாநில லாட்டரிச் சீட்டுகளை பறிமுதல் செய்தனா்.