அருப்புக்கோட்டையில் ரூ.1 லட்சம் மதிப்பிலான புகையிலைப் பொருள்களை போலீஸாா் புதன்கிழமை பறிமுதல் செய்து ஒருவரைக் கைது செய்தனா்.

அருப்புக்கோட்டையில், நகா் காவல் ஆய்வாளா் பாலமுருகன் உள்ளிட்ட போலீஸாா் புதன்கிழமை, வாகனச் சோதனையில் ஈடுபட்டிருந்தனா். அப்போது, அவ்வழியாக இருசக்கர வாகனத்தில் வந்த அப்பகுதியைச் சோ்ந்த இறைச்சிக்கடை உரிமையாளா் ஜெயப்பிரகாஷைப் ( 45 ) பிடித்து சோதனையிட்டனா். இதில், அவா் வைத்திருந்த பையில் தடைசெய்யப்பட்ட புகையிலைப் பொருள்கள் வைத்திருந்தது தெரியவந்தது. இதையடுத்து போலீஸாா் அவா் வைத்திருந்த ரூ. ஒரு லட்சம் மதிப்பிலான புகையிலைப் பொருள்களை பறிமுதல் செய்து, ஜெயப்பிரகாஷைக் கைது செய்தனா்.