பாலத்திலிருந்து தவறி விழுந்த ஆசிரியா் பலி

ராஜபாளையம் அருகே பாலத்திலிருந்து தவறி விழுந்த ஆசிரியா் செவ்வாய்க்கிழமை உயிரிழந்தாா்.

தஞ்சாவூா் மாவட்டம், கொக்கூா் பகுதியைச் சோ்ந்தவா் வினோத்ராஜ் (39). இவா், ராஜபாளையம் அருகேயுள்ள முதுகுடி கிராமத்தில் தங்கி, அதே பகுதியில் உள்ள தனியாா் பள்ளியில் ஆசிரியராக வேலை பாா்த்து வந்தாா்.

இந்த நிலையில், ஜமீன் கொல்லங்கொண்டான் அரசு மருத்துவமனைக்கு சென்றுவிட்டு, இரு சக்கர வாகனத்தில் வீடு திரும்பினாா். அப்போது, அவருக்கு தலைசுற்றிவே இரு சக்கர வாகனத்தை நிறுத்திவிட்டு பாலத்தின் மீது அமா்ந்துள்ளாா். அப்போது, நிலை தடுமாறி பாலத்திலிருந்து கீழே சரிந்து விழுந்தாா். இதில் பலத்த காயமடைந்த அவா் சென்னை ராஜிவ்காந்தி அரசு மருத்துவமனையில் சோ்க்கப்பட்டாா். எனினும் அங்கு அவா் உயிரிழந்தாா். இதுகுறித்து சேத்தூா் போலீஸாா் வழக்குப் பதிவு செய்து விசாரித்து வருகின்றனா்.