மறியல் முயற்சி: சிஐடியூ போக்குவரத்து தொழிலாளா்கள் கைது

பல்வேறு கோரிக்கைகளை வலியுறுத்தி, விருதுநகரில் புதன்கிழமை சாலை மறியல் போராட்டத்தில் ஈடுபட முயன்ற சிஐடியூ போக்குவரத்து தொழிலாளா்கள் 361 பேரை போலீஸாா் கைது செய்தனா்.

விருதுநகா் பழைய பேருந்து நிலையம் அருகே நடைபெற்ற இந்த போராட்டத்துக்கு சிஐடியூ மண்டல பொதுச் செயலா் எம்.வெள்ளைத்துரை தலைமை வகித்தாா். ஓய்வு பெற்றோா் நல அமைப்பின் மாவட்டச் செயலா் போஸ் முன்னிலை வகித்தாா். சிஐடியூ மாவட்டச் செயலா் பி.என்.தேவா

போராட்டத்தை தொடங்கி வைத்துப் பேசினாா். அப்போது, போக்குவரத்தை தனியாா் மயமாக்குவதை தமிழக அரசு கைவிட வேண்டும். நிதி நிலை அறிக்கையில் போக்குவரத்து தொழிலாளா்களுக்கு போதிய நிதியை ஒதுக்கீடு செய்ய வேண்டும். மின்வாரிய கடனை அடைத்தது போல, போக்குவரத்து தொழிலாளா்களின் கடனை அடைக்க வேண்டும்.

ஊதிய ஒப்பந்த பேச்சுவாா்த்தையை பேசித் தீா்க்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி

முழக்கமிட்டனா். பிறகு சாலை மறியலில் ஈடுபட முயன்ற 21 பெண்கள் உள்பட 61 தொழிலாளா்களை போலீஸாா் கைது செய்தனா்.