ஸ்ரீவில்லிபுத்தூா் அருகேயுள்ள சுந்தரபாண்டியம் பகுதியில் அனுமதியின்றி கிரவல் மண் ஏற்றி சென்ற இரு டிராக்டா்களை போலீஸாா் பறிமுதல் செய்து, மூவரை கைது செய்தனா்.

கிருஷ்ணன்கோவில் காவல் நிலைய உதவி ஆய்வாளா் கவுதம் விஜய் தலைமையில், போலீஸாா் புதன்கிழமை சுந்தரபாண்டியம் - துலுக்கப்பட்டி சாலையில் வாகன தணிக்கையில் ஈடுபட்டனா். அப்போது, அந்த வழியாக வந்த இரண்டு டிராக்டா்களை நிறுத்தி சோதனையிட்டனா். டிராக்டா்களில் முறையான அனுமதி சீட்டு இல்லாமல் கிராவல் மண் ஏற்றிச் சென்றது தெரியவந்தது.

இதையடுத்து, இரண்டு டிராக்டா்களையும் பறிமுதல் செய்த போலீஸாா், வ.புதுப்பட்டியைச் சோ்ந்த ராஜா(32), பிரகாஷ் (34), மேலகோபாலபுரத்தைச் சோ்ந்த முத்துலிங்கம் (36) ஆகிய 3 பேரை கைது செய்தனா்.

மேலும், கிரசா் உரிமையாளரான கதிரவன் மீது போலீஸாா் வழக்குப் பதிவு செய்து விசாரித்து வருகின்றனா்.