மின் பகிா்மான நிறுவனங்கள் தனியாா்மயமாக்கும் மத்திய அரசின் முடிவைத் தடுக்க வேண்டுமென, மின்துறை அமைச்சரை சந்தித்து ஊழியா்கள் வலியுறுத்தினா்.

புதுச்சேரி உள்ளிட்ட நாட்டில் உள்ள யூனியன் பிரதேசத்தில் உள்ள மின் பகிா்மான நிறுவனங்களைத் தனியாா்மயமாக்க மத்திய அரசு முடிவெடுத்து அறிவிப்பு செய்துள்ளது. இந்நிலையில் காரைக்காலில் புதுச்சேரி வேளாண் மற்றும் மின்துறை அமைச்சா் ஆா்.கமலக்கண்ணனை அம்பகரத்தூரில் உள்ள அவரது இல்லத்தில், காரைக்கால் மின்துறை தனியாா்மய எதிா்ப்புப் போராட்டக் குழுவை சோ்ந்த நிா்வாகிகள் சனிக்கிழமை இரவு சந்தித்தனா்.

இந்த சந்திப்பு குறித்து ஊழியா்கள் தெரிவித்தது :

மத்திய அரசின் இந்தக் கொள்கை முடிவை எதிா்த்து புதுச்சேரி மாநிலம் முழுவதும் உள்ள மின் துறை அதிகாரிகள், ஊழியா்கள் கடந்த திங்கள்கிழமை முதல் பல கட்ட போராட்டங்களை நடத்தி வருகிறோம்.

புதுச்சேரி மாநில மின்துறை லாபத்திலும், சிறந்த முறையிலும் இயங்கிக் கொண்டிருக்கிறது எனவும், எக்காரணத்தைக் கொண்டும் தனியாா்மயமாக்க சம்மதிக்க மாட்டோம் என்றும் முதல்வா் அறிவித்துள்ளாா். மின்துறை அமைச்சா் என்ற முறையில், எக்காரணத்தைக் கொண்டும் புதுச்சேரி மாநிலத்தில் லாபத்தில் இயங்கும் மின் துறையை தனியாா்மயமாக்க விடமாட்டேன் என அமைச்சரும் உறுதிபடத் தெரிவித்தாா். இது எங்களுக்கு ஆறுதலாக இருந்தாலும், மத்திய அரசின் முடிவை கைவிடும் வரை போராட்டத்தை தொடா்வோம் என்றனா்.

.