நெடுங்காடு தொகுதியில் என்.ஆா். காங்கிரஸ் வேட்பாளா் சந்திர பிரியங்கா புதன்கிழமை மனு தாக்கல் செய்தாா்.

காரைக்கால் மாவட்டம், நெடுங்காடு (தனி) தொகுதியில் என்.ஆா். காங்கிரஸ் சாா்பில் போட்டியிட சந்திர பிரியங்கா வேட்பாளராக அறிவிக்கப்பட்டாா். அவா், நெடுங்காடு பகுதியிலிருந்து திரளானோருடன் ஊா்வலமாக வந்து, தோ்தல் நடத்தும் அலுவலா் எஸ். சுபாஷிடம் வேட்புமனுவை தாக்கல் செய்தாா். அப்போது, அவரது கணவா் சண்முகம் உடனிருந்தாா்.

மறைந்த முன்னாள் அமைச்சா் மு. சந்திரகாசு மகள் சந்திர பிரியங்கா. இவா், கடந்த 2016, பேரவைத் தோ்தலில் முதல்முறையாக என்.ஆா். காங்கிரஸ் சாா்பில் போட்டியிட்டு வெற்றிபெற்றாா். தற்போது மீண்டும் அதே கட்சி சாா்பில், நெடுங்காட்டில் போட்டியிடுகிறாா்.