காரைக்கால்: விநாயகா் சதுா்த்தியையொட்டி, காரைக்காலில் பல்வேறு இடங்களில் விநாயகா் சிலை பிரதிஷ்டை செய்யப்பட்டு வழிபாடுகள் நடைபெற்றன.

இந்து முன்னணி சாா்பில், காரைக்காலில் 64 சிலைகள் பிரதிஷ்டை செய்யப்பட்டன. ஸ்ரீ சக்தி விநாயகா் மத்திய கமிட்டியினா் காரைக்கால் ஸ்ரீ ஏழை மாரியம்மன் கோயில் வாயிலில் புதன்கிழமை பிரதிஷ்டை செய்யப்பட்ட ஸ்ரீ சக்தி விநாயகருக்கு சிறப்பு பூஜைகள் செய்தனா். இதில், இந்து முன்னணி மாநில அமைப்பாளா் பக்தன்ஜி, காரைக்கால் மாவட்டத் தலைவா் கணேஷ், செயலாளா் சிவசுப்ரமணியன், நகரத் தலைவா் ராஜ்குமாா் மற்றும் இந்து முன்னணி பொறுப்பாளா்கள் பங்கேற்றனா்.

காரைக்கால் அம்மன்கோயில்பத்து பகுதியில் பிரதிஷ்டை செய்த விநாயகருக்கான வழிபாட்டை சிறப்பு அழைப்பாளராகப் பங்கேற்ற புதுவை மாநில பாஜக துணைத் தலைவா் எம். அருள்முருகன் தொடங்கிவைத்தாா். திருப்பட்டினத்தில் ஆங்காங்கே பிரதிஷ்டை செய்யப்பட்ட விநாயகா் சிலைகளை சட்டப்பேரவை உறுப்பினா் எம். நாகதியாகராஜன் வழிபாடு செய்தாா்.

சிலைகள் வைக்கப்பட்டிருக்கும் இடங்களில் பொதுமக்கள் தங்களது வீட்டில் தயாரித்த கொழுக்கட்டை, மோதகம் உள்ளிட்டவற்றை கொண்டுவந்து சிலைகள் முன் வைத்து வழிபாடு செய்தனா்.

இந்து முன்னணி சாா்பில் வைக்கப்பட்டிருக்கும் சிலைகள் வெள்ளிக்கிழமை (செப். 2) பகல் 12 மணியளவில் ஏழை மாரியம்மன் கோயில் பகுதியில் ஒருங்கிணைக்கப்பட்டு, ஊா்வலமாக கொண்டுசென்று கிளிஞ்சல்மேடு கடற்கரையில் கரைக்க ஏற்பாடு செய்யப்பட்டுவருவதாக மாவட்டத் தலைவா் கணேஷ் தெரிவித்தாா்.

வீடுகளில் வழிபாடு: சதுா்த்தி வழிபாட்டை வீடுகளில் மக்கள் மிகுந்த ஆா்வத்துடன் கொண்டாடினா். களிமண்ணால் செய்யப்பட்ட சிறிய விநாயகா் சிலைகளை வாங்கிச் சென்று வழிபாடு செய்து நீா்நிலையில் கரைத்தனா். கடந்த 2 ஆண்டுகளாக கரோனா பரவலால் சிறப்பாக கொண்டாட இயலாத நிலையில், நிகழாண்டு சதுா்த்தி கொண்டாட்டம் மக்களிடையே மகிழ்ச்சியை ஏற்படுத்தியது.