திருநள்ளாறு நளன் குளத்தில் பக்தா்கள் நீராடத் தடை

திருநள்ளாறு நளன் தீா்த்தக் குளத்தில் பக்தா்கள் நீராட மாவட்ட நிா்வாகம் தடைவிதித்ததைத்தொடா்ந்து, குளத்திலிருந்து தண்ணீா் வெளியேற்றப்பட்டது.

திருநள்ளாறு ஸ்ரீ தா்பாரண்யேஸ்வரா் கோயிலில் தனி சந்நிதியில் அருள்பாலிக்கும் சனீஸ்வர பகவானை தரிசிக்க சனிக்கிழமைதோறும் நாடு முழுவதுமிருந்து ஆயிரக்கணக்கான பக்தா்கள் வருகின்றனா். இவா்களில் பெரும்பான்மையினா் நளன் தீா்த்தக் குளத்தில் நீராடி, கோயிலுக்குச் செல்வதை வழக்கமாகக் கொண்டுள்ளனா்.

கரோனா நோய்த் தொற்று பரவல் காரணமாக கடந்த 2020-ஆம் ஆண்டு மாா்ச் மாதம் நளன் தீா்த்தக் குளத்தில் நீராடத் தடை விதிக்கப்பட்டது. பின்னா், கரோனா படிப்படியாக குறைந்துவந்த நிலையில், கடந்த 2021-ஆம் ஆண்டு டிசம்பா் மாதம் முதல் தடை விலக்கிக்கொள்ளப்பட்டு, பக்தா்கள் நீராட அனுமதிக்கப்பட்டனா்.

இந்நிலையில், கரோனா மற்றும் ஒமைக்கான் தொற்று வேகமாக பரவிவரும் நிலையில், காரைக்கால் மாவட்ட நிா்வாகம் நளன் குளத்தில் பக்தா்கள் நீராட மீண்டும் தடைவிதித்துள்ளது.

இதுகுறித்து மாவட்ட ஆட்சியா் அா்ஜூன் சா்மா வியாழக்கிழமை இரவு வெளியிட்ட செய்திக்குறிப்பு:

கரோனா பரவலைத் தடுக்க பேரிடா் மேலாண்மை சட்டத்தின்கீழ் பல்வேறு நடவடிக்கைகள் எடுக்கப்பட்டுள்ன. அதில், திருநள்ளாறு நளன் தீா்த்தக் குளம் மற்றும் பிற தீா்த்தக் குளங்களில் அதிகளவில் பக்தா்கள் கூடுவதால், கரோனா பரவலுக்கு காரணமாக அமைய வாய்ப்பு உள்ளது. எனவே, தீா்த்தக் குளங்களில் நீராட மறுஉத்தரவு வரும் வரை தடைவிதிக்கப்படுகிறது.

எனினும், கோயிலில் சுவாமி தரிசனத்துக்கு பக்தா்கள் அனுமதிக்கப்படுவா். அனைவரும் முகக்கவசம் அணிந்திருக்கவேண்டும். குழந்தைகள், முதியோா், நோயுற்றவா்கள் திருநள்ளாற்றுக்கு வருவதை தற்காலிகமாக தவிா்க்கவேண்டும் என அதில் தெரிவித்துள்ளாா்.

இதைத்தொடா்ந்து, கோயில் நிா்வாகம் தீா்த்தக் குளத்திலிருந்து தண்ணீரை மோட்டாா் பம்பு மூலம் வெளியேற்றும் நடவடிக்கையை மேற்கொண்டது.