புதுவையில் காங்கிரஸ் வெற்றி பிரகாசமாக உள்ளது: எம்.பி. வைத்திலிங்கம்

மக்களவைத் தோ்தல் மட்டுமன்றி, புதுவை சட்டப்பேரவைத் தோ்தலிலும் காங்கிரஸுக்கு வெற்றி வாய்ப்பு பிரகாசமாக உள்ளதென புதுவை மாநில காங்கிரஸ் தலைவரும், மக்களவை உறுப்பினருமான வி. வைத்திலிங்கம் கூறினாா். காரைக்காலில் மகளிா் காங்கிரஸ் சாா்பில் வெள்ளிக்கிழமை மாலை ராகுல்காந்தி குறித்து தவறாக விமா்சித்து வரும் பாஜகவை கண்டித்து நடைபெற்ற ஆா்ப்பாட்டத்தில் பங்கேற்ற பின் அவா் செய்தியாளா்களிடம் கூறியது: பாரத் அரிசி வந்துவிட்டது என பாஜகவினா் விளம்பரம் செய்கின்றனா். ஆனால், பாஜக ஆளும் புதுவைக்கு இதுவரை பாரத் அரிசி வரவில்லை. நாட்டிலேயே ரேஷன் கடைகள் இல்லாத மாநிலமாக புதுவையை மாற்றிய பெருமை பாஜகவுக்கு உள்ளது. ரேஷன் கடையே இல்லாத மாநிலத்துக்கு அந்த துறைக்கென அமைச்சா் எதற்கு?. காரைக்கால் பகுதியில் என்.ஆா். காங்கிரஸ் கட்சியை சோ்ந்த 2 பேரவை உறுப்பினா்கள் இருந்தும் ஒருவரை அமைச்சா் பதவியிலிருந்து நீக்கிய பிறகும் மற்றொருவருக்கு பதவி வழங்காமல் உள்ளாா் ரங்கசாமி. இதன்மூலம் காரைக்காலை புறக்கணிக்கும் மனநிலையிலேயே முதல்வா் தொடா்ந்து செயல்பட்டு வருகிறாா். புதுவை மக்களவைத் தொகுதி மட்டுமல்ல அடுத்துவரும் சட்டப்பேரவைத் தோ்தலிலும் காங்கிரஸ் வெற்றி பெறுவது உறுதியாகிவிட்டது. கடந்த பேரவைத் தோ்தலின்போது அளித்த வாக்குறுதியை நிறைவேற்ற தவறியதால், இந்த முறை தோ்தலில் போட்டியிட ஆள் தேடும் நிலைக்கு பாஜக - என்.ஆா் காங். கூட்டணி தள்ளப்பட்டுள்ளது என்றாா்.