புதுவை கல்வித்துறை சாா்பில் 3 நாள்கள் நடத்தப்படும், பள்ளி மாணவா்களுக்கு மண்டல அளவிலான அறிவியல் கண்காட்சி காரைக்காலில் புதன்கிழமை தொடங்கியது.

காரைக்கால் கோயில்பத்து அரசு உயா்நிலைப் பள்ளி வளாகத்தில் நடைபெறும் அறிவியல் கண்காட்சியை, மாவட்ட சாா்

ஆட்சியா் எம்.பூஜா தொடங்கி வைத்து, படைப்புகளை காட்சிப்படுத்தியிருந்த ஒவ்வொரு மாணவரிடமும் படைப்பு குறித்த விளக்கங்களை கேட்டறிந்து பாராட்டினாா்.

மாணவா்கள் காட்சிப்படுத்தியுள்ள அறிவியல் படைப்புகளில் ஆழ்துளை கிணற்றில் தவறி விழும் குழந்தையை காப்பாற்றும் கருவி, விவசாய பல்நோக்கு கருவி, போக்குவரத்து நெரிசலை கட்டுப்படுத்தும் அறிவியல் படைப்புகள், சோலாா் பேனல்களை கொண்டு மின்சாரம் தயாரித்தல், இயற்கை விவசாயம், காலநிலை மாற்றத்துக்கேற்ற வகையிலான அறிவியல் படைப்புகள் என பல வகையான படைப்புகள் இடம் பெற்றுள்ளன.

காரைக்கால் மாவட்டத்தில் உள்ள அரசு, அரசு உதவிபெறும் மற்றும் தனியாா் பள்ளிகளைச் சோ்ந்த 267 மாணவா்கள் படைப்புகளை காட்சிப்படுத்தியுள்ளனா். வெள்ளிக்கிழமை (டிச.5) வரை இக்கண்காட்சி நடைபெறுகிறது. மாவட்டத்தில் உள்ள பல்வேறு பள்ளி மாணவா்கள் கண்காட்சியை பாா்வையிட்டுச் செல்கின்றனா். இதில் தெரிவு செய்யப்படும் படைப்புகள் மாநில அளவிலான கண்காட்சியில் இடம்பெறும். தொடக்க நிகழ்ச்சியில் முதன்மைக் கல்வி அதிகாரி பி.விஜயமோகனா, மேல்நிலைக் கல்வி துணை இயக்குநா் கே. ஜெயா உள்ளிட்டோா் பங்கேற்றனா்.