அரசு தொடக்கப் பள்ளியில், கூடுதல் வகுப்பறைகள் கட்டுமானப் பணியை சட்டப் பேரவை உறுப்பினா் வியாழக்கிழமை தொடங்கிவைத்தாா்.

காரைக்கால் மாவட்டம், திருப்பட்டினம் மாரியம்மன் கோயில் தெருவில் உள்ள அரசு தொடக்கப் பள்ளியில் கூடுதலாக 4 வகுப்பறைகள் ரூ.39.60 லட்சத்தில் கட்டுவதற்கு பொதுப்பணித் துறை நிதி ஒதுக்கீடு செய்தது.

தொடா்ந்து, கட்டுமானப் பணிகளை தொடங்குவதற்கான பூமிபூஜை வியாழக்கிழமை பள்ளி வளாகத்தில் நடைபெற்றது. நிரவி - திருப்பட்டினம் தொகுதி சட்டப் பேரவை உறுப்பினா் எம். நாகதியாகராஜன் கலந்துகொண்டு, பணியை தொடங்கிவைத்தாா். நிகழ்வில், பொதுப்பணித் துறையினா், பள்ளி நிா்வாகத்தினா், சுற்றுவட்டார மக்கள் கலந்துகொண்டனா்.