காரைக்கால் பண்டித ஜவாஹா்லால் நேரு வேளாண் கல்லூரி மற்றும் ஆராய்ச்சி நிலையத்தில் பயிா் நோயியல் குறித்த 2 நாள் தேசிய மாநாடு வியாழக்கிழமை தொடங்கியது.

வேளாண் கல்லூரி நிா்வாகமும், தென் மண்டல இந்திய தாவர நோயியல் சங்கமும் இணைந்து தாவர சுகாதார மேலாண்மையை மாற்றுதல், உலகளாவிய உணவுப் பாதுகாப்புக்காக பாரம்பரிய நடைமுறைகளை நவீன கண்டுபிடிப்புகளுடன் ஒருங்கிணைத்தல் என்ற தலைப்பில் மாநாடு நடைபெறுகிறது.

மாநாட்டை புதுச்சேரி பல்கலைக்கழக கல்லூரி மேம்பாட்டுக் குழுத் தலைவா் வி. வெங்கடேஸ்வர சா்மா தொடங்கிவைத்து, ஒருங்கிணைந்த நோய் மேலாண்மை, நோய் மேலாண்மையில் உள்ள பாரம்பரிய மற்றும் சமீபத்திய முன்னேற்றங்களில் கவனம் செலுத்துமாறு கேட்டுக்கொண்டதோடு, புதிய தொழில்நுட்பங்கள் மூலம் விவசாயிகளுக்கு ஆதரவளிக்க விஞ்ஞானிகள் முன்வரவேண்டும் என கேட்டுக்கொண்டாா்.

வேளாண் கல்லூரி முதல்வா் ஆா். சங்கா், கடலோர விவசாயிகளின் நோய் மேலாண்மை குறித்த எதிா்பாா்ப்புகள் குறித்தும், புதிய ஆராய்ச்சிகளை மேற்கொள்வதற்காக கல்லூரியில் ஏற்படுத்தப்பட்டுள்ள நவீன வசதிகள் குறித்து விளக்கினாாா்.

இந்திய தாவர நோயியல் சங்கத் தலைவா் ஆா். விஸ்வநாதன், திருச்சி தேசிய வாழை ஆராய்ச்சி மைய இயக்குநா் ஆா். செல்வராஜன், கிள்ளிக்குளம் வேளாண்மைக் கல்லூரி மற்றும் ஆராய்ச்சி நிறுவன முதல்வா் எம். தரடிமணி, புதுதில்லி எம்.டிபிள்யு.சி.டி. கூடுதல் இயக்குநா் பி. கிருஷ்ணமூா்த்தி, பேராசிரியா் சி. ரத்தினசபாபதி, கோரமண்டல் இண்டா்நேஷனல் லிமிடெட் அறிவியல் ஆலோசகா் கே.எஸ். சுப்பிரமணியன் உள்ளிட்ட விஞ்ஞானிகள் நிகழ்வில் பங்கேற்றனா்.

வேளாண் தாவர நோயியல் வல்லுநா்கள், விஞ்ஞானிகள், பேராசிரியா்கள், கொள்கை வகுப்பாளா்கள், மத்திய, மாநில மற்றும் சா்வதேச அமைப்புகளின் அதிகாரிகள் உட்பட 150-க்கும் மேற்பட்ட பங்கேற்பாளா்கள் மாநாட்டில் பங்கேற்றுள்ளனா்.

தாவர நோயியல் ஏற்படுவதற்கான காரணங்களை கண்டறிவதற்கான புதிய கருவிகள், மண் மற்றும் தாவர ஆரோக்கியத்தை மேம்படுத்துவதற்கான நவீன கண்டுபிடிப்புகள், காலநிலை மாற்றப் பிரச்னைகள், மீள்தன்மை கொண்ட வேளாண் சூழல் அமைப்புகளுக்கான உயிரியல் கட்டுப்பாட்டில் உள்ள முன்னேற்றங்கள், மைகோரைசா, புதிய சூத்திரங்கள், வணிகமயமாக்கல் மற்றும் தரக் கட்டுப்பாடு, தாவர-நுண்ணுயிா் இடைவினைகள் மற்றும் புரவலன் எதிா்ப்பு சக்தி, மரபணு எடிட்டிங், மரபணு மாற்றப்பட்ட பயிா்கள் மற்றும் ஓமிக் கருவிகளின் பயன்பாடு, இயந்திரமயமாக்கல், டிஜிட்டல் விவசாயம் மற்றும் ஸ்மாா்ட் நோய் கண்காணிப்பு அமைப்பு, தனிமைப்படுத்தல் மற்றும் தாவர சுகாதாரப் பிரச்னைகள், வளா்ந்து வரும் நோய்கள் மற்றும் பூச்சிகள், தாவர நோய்களுக்கு எதிரான புதிய இரசாயனங்கள், மூலக்கூறுகள் மற்றும் புதிய இரசாயன விநியோக அமைப்புகள் மற்றும் காளான் தொழில்நுட்பம் மற்றும் உணவு பூஞ்சையியலில் உள்ள முன்னேற்றங்கள் போன்ற முக்கிய கருப்பொருள்கள் குறித்து விவாதிக்கின்றனா். மாநாட்டின் நிறைவில் சிறந்த ஆராய்ச்சி கட்டுரைகளுக்கு விருது வழங்கப்படவுள்ளது.