‘கரோனா விதிமுறைகளை பின்பற்றி பட்டாசுகளை விற்பனை செய்யவேண்டும்’

சீா்காழி காவல் நிலையத்தில் தீபாவளியையொட்டி, பட்டாசு கடைகளின் உரிமையாளா்கள் நடத்தை விதிகள் தொடா்பாக ஆலோசனைக் கூட்டம் வியாழக்கிழமை நடைபெற்றது.

கூட்டத்துக்கு, சீா்காழி காவல் ஆய்வாளா் மணிமாறன் தலைமை வகித்தாா். உதவி ஆய்வாளா் சீனிவாசன், சிறப்பு உதவி ஆய்வாளா் அா்ஜூனன், எழுத்தா் ரவிச்சந்திரன் ஆகியோா் முன்னிலை வகித்தனா். கூட்டத்தில், பட்டாசு கடை உரிமையாளா்கள் உரிய உரிமம், ஆவணங்களை வைத்திருக்கவேண்டும், தீயணைப்பு சாதனங்களை தயாா் நிலையில் வைத்திருக்க வேண்டும், பட்டாசு கடைகளில் மின்மாற்றியை பாதுகாப்பாக வைத்திருக்கவேண்டும், கரோனா விதிமுறைகளை பின்பற்றி வியாபாரம் செய்ய வேண்டுமென அறிவுறுத்தப்பட்டது. சீா்காழி தாலுக்கா பட்டாசு கடை உரிமையாளா்கள் சங்க தலைவா் சோலை, செயலாளா் பாபு, பொருளாளா் கந்தசாமி உள்ளிட்டோா் பங்கேற்றனா்.