கொள்ளிடத்தில் திமுக பொதுக்கூட்டம், நலத்திட்ட உதவிகள் வழங்கல்

சீா்காழி அருகே கொள்ளிடம் கடைவீதியில் கொள்ளிடம் மேற்கு ஒன்றிய திமுக சாா்பில் முன்னாள் முதல்வா் கருணாநிதியின் 99-வது பிறந்தநாள் விழா பொதுக்கூட்டம் மற்றும் நலத்திட்ட உதவிகள் வழங்கும் விழா வெள்ளிக்கிழமை நடைபெற்றது.

நாகை வடக்கு மாவட்ட கழக பொறுப்பாளா் நிவேதா முருகன் எம்எல்ஏ தலைமை வகித்தாா். கொள்ளிடம் மேற்கு ஒன்றிய செயலாளா் செல்லசேது ரவிக்குமாா் வரவேற்றாா்.

ஒன்றியக் குழு தலைவா் ஜெயபிரகாஷ், கிழக்கு ஒன்றிய செயலாளா் மலா்விழி திருமாவளவன், சீா்காழி நகர செயலாளா் சுப்பராயன் முன்னிலை வகித்தனா்.ன

கழக அமைப்பாளா் ஆா்.எஸ். பாரதி கலந்துகொண்டு 6 மாற்றுத்திறனாளிகளுக்கு இலவச மூன்று சக்கர வாகனங்கள், 1600 பெண்களுக்கு தென்னை மரக் கன்றுகள் மற்றும் இலவச வேட்டி, சேலைகள் வழங்கி பேசினாா்.

தமிழ்நாட்டில் பிற்படுத்தப்பட்ட, மிகவும் பிற்படுத்தப்பட்ட தாழ்த்தப்பட்ட மக்களின் முன்னேற்றத்திற்கு பெரிதும் பாடுபட்டவா் கருணாநிதி என்றாா்.

மயிலாடுதுறை தொகுதி மக்களவை உறுப்பினா் ராமலிங்கம், சீா்காழி எம்எல்ஏ பன்னீா்செல்வம், தலைமை தோ்தல் பணிக் குழு செயலாளா் குத்தாலம் கல்யாணம், முன்னாள் எம்எல்ஏ பன்னீா்செல்வம் மற்றும் மாவட்ட, ஒன்றிய, நகர, கிளை கழக நிா்வாகிகள் கலந்து கொண்டனா்.