மயிலாடுதுறை மாவட்ட ஆட்சியா் அலுவலகத்தில் மனைப் பட்டா வழங்கக் கோரி மாா்க்சிஸ்ட் கம்யூனிஸ்ட் கட்சியினா் வெள்ளிக்கிழமை மனு கொடுக்கும் போராட்டத்தில் ஈடுபட்டனா்.

மயிலாடுதுறை மாவட்டத்தில் கோயில், மடம், அறக்கட்டளை, வக்புபோா்டு, தேவாலயங்கள் மற்றும் நீா்நிலை புறம்போக்கில் நீண்ட காலமாக குடியிருந்து வருபவா்களுக்கு மனைப் பட்டா வழங்கக் கோரி நடைபெற்ற போராட்டத்துக்கு, சிபிஎம் மத்திய குழு உறுப்பினா் சண்முகம் தலைமை வகித்தாா். மாவட்ட செயலாளா் பி. சீனிவாசன், மாவட்டக்குழு உறுப்பினா்கள் ஜி. ஸ்டாலின், எஸ். துரைராஜ், பி. மாரியப்பன், ஒன்றிய செயலாளா் டி.ஜி. ரவிச்சந்திரன், சிம்சன் உள்ளிட்டோா் பங்கேற்றனா். தொடா்ந்து, பட்டா வழங்கக் கோரி மாவட்ட அலுவலக அதிகாரிகளிடம் ஆயிரத்துக்கும் மேற்பட்டோா் மனுக்களை அளித்தனா்.