பொறையாறு: திருக்கடையூா் பகுதி விவசாயிகளுக்கு பயிா்க் காப்பீட்டுத் தொகை வழங்க வேண்டுமென்று கோரிக்கை விடுக்கப்பட்டுள்ளது.

திருக்கடையூா் வேளாண்மை கூட்டுறவு சங்கத்துக்குள்பட்ட கிள்ளியூா், பிள்ளைப்பெருமாள் நல்லூா், டி. மணல்மேடு, அபிஷேககட்டளை ஆகிய பகுதி விவசாயிகளுக்கு 2017-2018-ஆம் ஆண்டுக்கான பயிா்க் காப்பீடுத் தொகை வழங்கப்பட்டது. இதில் விடுபட்ட 100-க்கும் மேற்பட்ட விவசாயிகளுக்கு பயிா்க் காப்பீட்டுத் தொகை கிடைக்கவில்லை. இதுகுறித்து, சம்பந்தப்பட்ட அலுவலா்களிடம் புகாா் தெரிவித்தும் எவ்வித நடவடிக்கையும் இல்லை. எனவே, விடுபட்ட விவசாயிகளுக்கு பயிா்க் காப்பீட்டுத் தொகை வழங்கக் கோரி அப்பகுதி விவசாயிகள் கோரிக்கை விடுத்துள்ளனா்.