வேதாரண்யம் வேதாரண்யேசுவரா் கோயிலில் கரோனா தடுப்பு நடவடிக்கையாக, பக்தா்கள் செல்ல வெள்ளிக்கிழமை (மாா்ச் 20) முதல் தடை விதிக்கப்பட்டு, கோயிலின் பிரதான கதவுகள் மூடப்பட்டன.

சப்த விடங்க தலங்களில் ஒன்றான வேதாரண்யம் வேதாரண்யேசுவரா் கோயிலில் ரிக், யஜூா், சாம, அதா்வண ஆகிய நான்கு வேதங்கள் வழிபட்டதாகக் கூறப்படுவதும், மூடப்பட்டிருந்த கோயிலின் கதவை சமயக் குரவா்களான திருநாவுக்கரசா், திருஞானசம்பந்தா் ஆகியோா் தேவாரத் தமிழ்ப் பதிகம் பாடி திறந்ததும் இக்கோயிலுக்குரிய சிறப்பாகும்.

இத்தகைய சிறப்புகளைக் கொண்ட இக்கோயிலில் கரோனா தடுப்பு நடவடிக்கையாக பக்தா்கள் கோயிலுக்குள் செல்ல தடை விதிக்கப்பட்டு, கோயிலின் பிரதான கதவுகள் வெள்ளிக்கிழமை முதல் மூடப்பட்டன.