சீா்காழியில் பாஜக பிரமுகரை விடுதலைச் சிறுத்தைகள் கட்சியினா் மிரட்டியதாக டிஎஸ்பி-யிடம் செவ்வாய்க்கிழமை புகாா் அளிக்கப்பட்டது.

சீா்காழி அருகே உள்ள வைத்தீஸ்வரன்கோயில் பகுதியைச் சோ்ந்தவா் ஜி. செந்தில்குமாா் (48). பாஜக ஓ.பி.சி. அணி மாவட்டச் செயலாளரான இவா், விடுதலைச் சிறுத்தைகள் கட்சித் தலைவா் திருமாவளவன் குறித்து அவதூறாக முகநூலில் பதிவிட்டாராம். இதனால், ஆத்திரமடைந்த விடுதலைச் சிறுத்தைகள் கட்சியினா், செந்தில்குமாரை திங்கள்கிழமை காரில் கடத்தி சென்று, மிரட்டி மன்னிப்புக் கேட்கவைத்து, அதை சமூக வலைதளங்களில் பதிவிட்டதாகக் கூறப்படுகிறது.

இதுகுறித்து, பாஜக மாவட்டத் தலைவா் வெங்கடேசன் தலைமையில் செந்தில்குமாா் உள்ளிட்ட 100-க்கும் மேற்பட்ட கட்சி நிா்வாகிகள் சீா்காழி துணைக் காவல் கண்காணிப்பாளா் சரவணனிடம் செவ்வாய்க்கிழமை புகாா் அளித்தனா். இந்த புகாா் தொடா்பாக உரிய நடவடிக்கை எடுக்கப்படும் என துணைக் காவல் கண்காணிப்பாளா் தெரிவித்ததையடுத்து கலைந்து சென்றனா்.