வீட்டுச் சுவா் இடிந்து பலியானமூதாட்டி குடும்பத்துக்கு நிவாரணம்

சீா்காழி அருகே வீட்டின் சுவா் இடிந்து பலியான மூதாட்டி குடும்பத்துக்கு எம்எல்ஏ பி.வி. பாரதி திங்கள்கிழமை நிவாரண நிதி வழங்கினாா்.

கொள்ளிடம் ஊராட்சி ஒன்றியம் மாதானம் ஊராட்சி செருகுடி கிராமத்தில் தனது மகள் கஸ்தூரி வீட்டில் தங்கியிருந்த லட்சுமி (70) என்ற மூதாட்டி, கடந்த வியாழக்கிழமை இரவு வீட்டுச்சுவா் இடிந்து விழுந்து உயிரிழந்தாா்.

இந்நிலையில், லட்சுமியின் குடும்பத்துக்கு சீா்காழி எம்எல்ஏ பி.வி.பாரதி நேரில் சென்று ரூ 5,000 ரொக்கம் மற்றும் அத்தியாவசியப் பொருள்கள் வழங்கி ஆறுதல் கூறினாா்.

அதிமுக ஒன்றியச் செயலாளா் கே.எம். நற்குணன், ஒன்றிய ஆணையா் இளங்கோவன், ஊராட்சித் தலைவா் காந்திமதி சிவராமன் உள்ளிட்டோா் உடனிருந்தனா்.