திருவாரூர் மாவட்ட விளையாட்டு மைதானத்தில் நடைபெற்ற விளையாட்டு பயிற்சி முகாம் நிறைவு நாளில் மாணவ, மாணவியருக்கு சான்றிதழ் வழங்கப்பட்டது.
திருவாரூர் மாவட்ட பள்ளிகளிலிருந்து 60 மாணவ, மாணவியர்கள் தேர்வு செய்யப்பட்டு, அவர்களுக்கு 15 நாள்களுக்கு திருவாரூர் மாவட்ட விளையாட்டு மைதானத்தில் இருப்பிடப் பயிற்சி முகாம் நடைபெற்றது.
மே 2 முதல் 16 ஆம் தேதி வரை காலை, மாலை நேரங்களில் பயிற்சி வகுப்புகள் நடைபெற்றன. முகாமில் பங்குபெற்ற நடுநிலை, உயர்நிலை, மேல்நிலை மற்றும் மெட்ரிக் பள்ளி மாணவ, மாணவியருக்கு தடகளம், ஹாக்கி, டேக் வாண்டோ, வாலிபால், நீச்சல் மற்றும் யோகா பயிற்சியளிக்கப்பட்டன
இதையடுத்து, செவ்வாய்க்கிழமை நடைபெற்ற பயிற்சி முகாம் நிறைவு விழாவில் மாவட்ட கூடைப்பந்து கழகத் தலைவர் பன்னீர்செல்வம் தலைமை வகித்தார். மாவட்ட விளையாட்டு அலுவலர் பாபு, யோகா பயிற்றுனர் பட்டாபிராமன் உள்ளிட்டோர் பங்கேற்றனர். இப்பயிற்சியில் பங்கேற்ற மாணவ, மாணவியருக்கு சீருடை, சான்றிதழ் வழங்கப்பட்டன.