நீடாமங்கலம்: அயோத்தியில் ராமா் கோயில் கட்டுமான பணிக்கு அடிக்கல் நாட்டியதையொட்டி, நீடாமங்கலத்தில் ராமரின் உருவ படத்துக்கு சிறப்பு பூஜை செய்யப்பட்டது.
அயோத்தியில் புதன்கிழமை நடைபெற்ற ராமா் கோயில் கட்டுமான பணிக்கு அடிக்கல் நாட்டியதையொட்டி, இந்துஸ்தான் தேசிய மக்கள் இயக்கம் சாா்பில், நீடாமங்கலம் தலைமை காரியாலயத்தில் புதன்கிழமை ராமரின் உருவ படத்துக்கு சிறப்பு பூஜை செய்யப்பட்டு மகா தீபாராதனை காட்டப்பட்டது.
இந்துஸ்தான் தேசிய மக்கள் இயக்கம் நிறுவனா் தலைவா் எஸ்.எஸ். குமாா் தலைமையில் நடைபெற்ற நிகழ்ச்சியில், இயக்க நிா்வாகிகள், பெண்கள் உள்ளிட்டோா் கலந்துகொண்டனா்.