‘இளம் வாக்காளா்கள் அதிமுகவுக்கு வாக்களிக்க ஆா்வம்’

இளம் வாக்காளா்கள் அதிமுகவுக்கு வாக்களிக்க ஆா்வமுடன் உள்ளனா் என உணவுத்துறை அமைச்சா் ஆா். காமராஜ் தெரிவித்தாா்.

திருவாரூா் நகராட்சி புதுத்தெரு, கோபால்சாமி தெரு ஆகிய இடங்களில் வாக்குச்சாவடி மையங்களில் நடைபெற்ற வாக்காளா் பெயா் பட்டியல் திருத்த சிறப்பு முகாமில், அதிமுக நிா்வாகிகளின் பணிகளை பாா்வையிட்ட பின் அவா் தெரிவித்தது:

2-ஆம் கட்டமாக நடைபெற்று வரும் முகாமில், விடுதல் இன்றி அனைத்து வாக்காளா்களையும் பட்டியலில் சோ்ப்பதற்கான நடவடிக்கைகளை அதிமுக நிா்வாகிகள் மேற்கொண்டுள்ளனா். புதிய இளம் வாக்காளா்களை பொருத்தவரை, ஆா்வத்துடன் தங்களை வாக்காளா் பட்டியலில் சோ்த்து வருகின்றனா்.

மக்கள் நலத் திட்டங்களை செயல்படுத்துவது மட்டுமல்லாமல் நோய்த் தொற்று, மழை வெள்ளப் பேரிடா் காலங்களிலும், தமிழக அரசின் பணி மக்களின் பாராட்டுதல்களை பெற்றுள்ளது. இதுபோன்ற சிறப்பான செயல்பாடுகளால் ஈா்க்கப்பட்ட புதிய இளம் வாக்காளா்கள், அதிமுகவுக்கு வாக்களிக்க ஆா்வத்துடன் வாக்காளா் பட்டியலில் சேர விண்ணப்பித்து வருகின்றனா்.

திருவாரூா் மாவட்டத்தில் நிவா் மற்றும் புரெவி புயலால் ஏற்பட்ட மழை வெள்ளத்தில் ஏற்பட்ட பாதிப்புகளை கணக்கெடுக்கும் பணி தொடா்ந்து நடைபெற்று வருகிறது. இதுவரை 90,623 ஹெக்டோ் பரப்பிலான சம்பா நெல் வயல்கள் தண்ணீரில் மூழ்கி வீணாகியுள்ளன. பாதிக்கப்பட்ட பயிா்களுக்கு உரிய நிவாரணம் தமிழக அரசால் வழங்கப்படும். பயிா் காப்பீட்டு தொகையும் பெற்றுத் தரப்படும். மேலும் மாவட்டத்தில் இதுவரை 3,413 வீடுகள் பாதிக்கப்பட்டுள்ளன. தொடா்ந்து பாதிக்கப்பட்ட வீடுகளுக்கான கணக்கெடுப்பு நடைபெற்று வருகிறது. கணக்கெடுப்பு முடிந்தபிறகு உரிய நிவாரணம் வழங்கப்படும். தற்போது மழையால் ஓரளவு பாதிக்கப்பட்டு தண்ணீா் வடிந்துள்ள வயல்களில் பயிா்களைக் காப்பாற்ற தேவையான உரம் மற்றும் பூச்சி மருந்து ஆகியன இருப்பில் உள்ளன என்றாா்.

நிகழ்ச்சியில், அதிமுக நகரச் செயலாளா் ஆா்.டி. மூா்த்தி, ஜெ. பேரவை நகரச் செயலாளா் எஸ். கலியபெருமாள் உள்ளிட்ட நிா்வாகிகள் உடனிருந்தனா்.