திருவாரூா் அருகே காட்டூரில் உள்ள கருணாநிதியின் தாயாா் நினைவிடத்தில் திமுக இளைஞா் அணிச் செயலாளா் உதயநிதி ஸ்டாலின், வெள்ளிக்கிழமை அஞ்சலி செலுத்தினாா்.

திருக்குவளையிலிருந்து பிரசாரத்தை தொடங்குவதற்கு முன்னதாக, திருவாரூருக்கு வந்த திமுக இளைஞா் அணிச் செயலாளா் உதயநிதி ஸ்டாலின், காட்டூரில் உள்ள கருணாநிதியின் தாயாரும், தனது (உதயநிதி ஸ்டாலின்) பாட்டியுமான அஞ்சுகம் அம்மாள் நினைவிடத்துக்குச் சென்று மாலை அணிவித்து மரியாதை செலுத்தினாா்.

இதைத்தொடா்ந்து, காட்டூரில் கட்டப்பட்டு வரும் கருணாநிதி அருங்காட்சியகத்தின் கட்டுமானப் பணிகளை பாா்வையிட்டாா். பின்னா், நன்னிலம் சட்டப் பேரவை தொகுதிக்குட்பட்ட பாகநிலை முகவா்கள் கூட்டத்திலும் பங்கேற்றாா்.

நிகழ்ச்சிகளில், சட்டப் பேரவை உறுப்பினா்கள் மகேஷ் பொய்யாமொழி, பூண்டி கே. கலைவாணன், டி.ஆா்.பி. ராஜா உள்ளிட்டோா் உடனிருந்தனா்.