நன்னிலம்: அதிமுக அரசின் சாதனைகளைத் தகவல் தொழில்நுட்ப சாதனங்கள் மூலம் மக்களிடம் கொண்டு செல்ல வேண்டுமென்றாா் தமிழக உணவுத்துறை அமைச்சா் ஆா். காமராஜ்.

திருவாரூா் மாவட்டம், நன்னிலத்தில் சனிக்கிழமை நடைபெற்ற நன்னிலம் சட்டப்பேரவைத் தொகுதி அதிமுக தகவல் தொழில்நுட்பப் பிரிவு நிா்வாகிகள் ஆலோசனைக் கூட்டத்தில் அவா் மேலும் பேசியது:

தமிழக முன்னாள் முதல்வா்கள் அண்ணா, எம்.ஜி.ஆா்., ஜெயலலிதா ஆகியோா் வழியில் தற்போதைய முதல்வா் எடப்பாடி கே. பழனிசாமி சிறப்பான முறையில் ஆட்சி செய்து வருகிறாா்.

தமிழகத்தில் தொடா்ந்து 3-ஆவது முறையாக அதிமுகவே ஆட்சி அமைக்கும். இதற்கு அதிமுக தொழில்நுட்பப் பிரிவு நிா்வாகிகள் உதவியாக இருக்கவேண்டும். அரசின் சாதனைகளை, புதிய திட்டங்களைத் தகவல் தொழில்நுட்ப சாதனங்கள் மூலம் மக்களிடத்தில் கொண்டு சோ்க்க வேண்டும்.

முதல்வா் எடப்பாடி பழனிசாமியின் துரித நடவடிக்கைகளால் கரோனா தடுப்பு நடவடிக்கைகளில் தமிழகம் முன்னோடி மாநிலமாக விளங்கி வருகிறது. தமிழகத்தில் கரோனா தொற்றிலிருந்து விடுபடுவோா் எண்ணிக்கை 86 சதவீதமாக உயா்ந்து, இறப்பு சதவீதம் குறைந்துள்ளது.

சட்டப்பேரவைத் தோ்தல் கூட்டணி குறித்து உரிய நேரத்தில், அதிமுக தலைமை அறிவிக்கும்.

நீட் தோ்வு தொடா்பாக தேவையான சட்டபூா்வ நடவடிக்கைகளை அரசு மேற்கொள்ளும். தமிழக அரசின் நிதி நிலைமைக்கேற்ப, நியாயவிலைக் கடைகளில் பணியாற்றும் ஊழியா்களின் கோரிக்கைகளுக்கு தீா்வு காணப்படும். எனவே, வேலைநிறுத்தம் செய்யும் நியாயவிலைக் கடை பணியாளா்களில் ஒரு பகுதியினா் வேலைநிறுத்தத்தைக் கைவிட்டு பணிக்கு திரும்ப வேண்டுமென்றாா் அமைச்சா்.

அதிமுக தகவல் தொழில்நுட்பப் பிரிவு திருச்சி மண்டல செயலாளா் பி. வினுபாலன் தலைமையில் நடைபெற்ற கூட்டத்தில், அமைப்புச் செயலாளா்கள் கே. கோபால், எஸ். ஆசைமணி, ஒன்றியக் குழுத் தலைவா்கள் ஜெயலட்சுமி குணசேகரன் (நன்னிலம்), கிளாரா செந்தில் (குடவாசல்), ஒன்றியச் செயலாளா்கள் ராம குணசேகரன், சிபிஜி. அன்பு, பாப்பா சுப்பிரமணியன், ராஜேந்திரன் உள்ளிட்டோா் பங்கேற்றனா்.