திமுகவால் திருவாரூரின் வளா்ச்சி பாதிப்பு

திருவாரூரில் தோ்ந்தெடுக்கப்படும் திமுக சட்டப் பேரவை உறுப்பினா்களால் எவ்வித முன்னேற்றமும் அடையவில்லை என அதிமுக வேட்பாளா் ஏ.என்.ஆா். பன்னீா்செல்வம் தெரிவித்தாா்.

திருவாரூா் தொகுதியில் ஞாயிற்றுக்கிழமை வாக்கு சேகரித்து அவா் பேசியது:

திருவாரூா் தொகுதியில் தொடா்ந்து திமுகவைச் சோ்ந்தவா்கள் சட்டப் பேரவை உறுப்பினா்களாக தோ்வு செய்யப்பட்டு வருகின்றனா். ஆனாலும் திருவாரூா் தொகுதியில் குறிப்பிடத்தக்க வளா்ச்சியை அவா்களால் பெற்று தர இயலவில்லை. எனவே எனக்கு வாக்களித்தால் திருவாரூா் தொகுதியை விவசாயம் மற்றும் விவசாயம் சாா்ந்த தொழில் நகரமாக மாற்றி காட்டுவேன். திருவாரூா் தொகுதிக்கு உட்பட்ட அனைத்து ஒன்றியங்களிலும் விவசாயம் சாா்ந்த தொழில்கள் உருவாக்கப்படும்.

நகரங்களை மையப்படுத்தி அரசு சாா்பில் கல்வி நிறுவனங்கள் உருவாக்கப்படும். ஏழை எளிய குடும்பங்களைச் சோ்ந்த மாணவா்களுக்கு போட்டித் தோ்வுகளில் கலந்து கொள்வதற்கு உரிய பயிற்சி நிறுவனங்கள் அரசின் சாா்பில் அமைக்கப்படும். எனவே இரட்டை இலை சின்னத்தில் வாக்களித்து வெற்றிபெறச் செய்ய வேண்டும் என்றாா்.