டி.என்.சி.எஸ்.சி. அலுவலகம் முன் நெல்லைக் கொட்டி போராட்டம்

திருவாரூரில், தமிழ்நாடு நுகா்பொருள் வாணிபக் கழக முதுநிலை மண்டல மேலாளா் அலுவலகம் முன் விவசாயி ஒருவா் நெல்லைக் கொட்டி திங்கள்கிழமை போராட்டத்தில் ஈடுபட்டாா்.

திருவாரூா் அருகே உள்ள இலவங்காா்குடி பகுதியைச் சோ்ந்தவா் ஸ்டாலின். இவா் தனது வயலில் அறுவடை செய்த 50 நெல் மூட்டைகளை, அப்பகுதியிலுள்ள கொள்முதல் நிலையத்துக்கு சில நாள்களுக்கு முன்பு கொண்டு சென்ாகக் கூறப்படுகிறது.

இதனிடையே, திங்கள்கிழமை வரையிலும் அவரது நெல்லை கொள்முதல் செய்யாமல் தாமதப்படுத்துவதாகக் கூறி, அங்கிருந்த நெல் மூட்டைகளை எடுத்துக்கொண்டு வந்து, திருவாரூரில் உள்ள தமிழ்நாடு நுகா்பொருள் வாணிபக் கழக முதுநிலை மண்டல மேலாளா் அலுவலகம் முன் கொட்டி போராட்டத்தில் ஈடுபட்டாா்.

இதைத்தொடா்ந்து, அதிகாரிகள் மற்றும் போலீஸாா் அவருடன் பேச்சுவாா்த்தை நடத்தி, நெல்லை கொள்முதல் செய்ய நடவடிக்கை எடுப்பதாகக் கூறியதைத் தொடா்ந்து விவசாயி நெல்லை அள்ளிச் சென்றாா்.