பேருந்து மோதி இளைஞா் உயிரிழப்பு

மன்னாா்குடி அருகே இருசக்கர வாகனத்தின் மீது அரசுப் பேருந்து மோதியதில் இளைஞா் உயிரிழந்தாா்.

மன்னாா்குடியை அடுத்த கோட்டூா் தெற்குவாட்டாரைச் சோ்ந்த சண்முகம் மகன் சந்தோஷ் (24). எம்பிஏ பட்டதாரியான இவா், கட்டுமானப் பணியில் உதவியாளராக வேலை செய்துவந்தாா்.

இந்நிலையில், நெடுவாக்கோட்டையில் ஞாயிற்றுக்கிழமை கட்டுமானப் பணியில் ஈடுபட்டிருந்த சந்தோஷ், மத்திய உணவுக்காக இருசக்கர வாகனத்தில் அப்பகுதியில் உள்ள கடைக்குச் சென்றபோது, அரசுப் பேருந்து மோதி நிகழ்விடத்திலேயே உயிரிழந்தாா்.

இதுகுறித்து மன்னாா்குடி போலீஸாா் வழக்குப் பதிந்து விசாரணை மேற்கொண்டுள்ளனா்.