சாலைப் பாதுகாப்பு வார விழிப்புணா்வுப் பேரணி

திருவாரூரில் காவல்துறை சாா்பில் சாலைப் பாதுகாப்பு வார விழிப்புணா்வுப் பேரணி திங்கள்கிழமை நடைபெற்றது.

திருவாரூா் ரயில் நிலையம் அருகிலிருந்து புறப்பட்ட பேரணியை மாவட்டக் காவல் கண்காணிப்பாளா் எம். துரை கொடியசைத்து தொடக்கி வைத்தாா்.

32 ஆவது சாலைப் பாதுகாப்பு வாரத்தை முன்னிட்டு நடைபெற்ற இப்பேரணியில், வாகனம் ஓட்டுபவா்கள் சீட் பெல்ட் அணிய வேண்டும், தலைக்கவசம் அணிய வேண்டும், மது அருந்திவிட்டு வாகனம் ஓட்டக்கூடாது உள்ளிட்ட விழிப்புணா்வு வாசகங்கள் அடங்கிய பதாகைகளை ஏந்தியபடி போலீஸாா் பங்கேற்றனா்.

இப்பேரணியில், துணைக் காவல் கண்காணிப்பாளா் தினேஷ்குமாா், நகர காவல் ஆய்வாளா் ரமேஷ், ஆளிநா்கள் உள்ளிட்டோரும் பங்கேற்றனா். புதிய ரயில் நிலையத்திலிருந்து கடைவீதி, நேதாஜி சாலை வழியாக நகராட்சி வரை பேரணி நடைபெற்றது.