குறுவைத் தொகுப்பு: திருத்துறைப்பூண்டிக்கு கூடுதல் நிதி ஒதுக்க எம்எல்ஏ கோரிக்கை

குறுவைத் தொகுப்புத் திட்டத்தில் திருத்துறைப்பூண்டி, முத்துப்பேட்டை வட்டங்களுக்கு கூடுதல் நிதி ஒதுக்கீடு செய்ய வேண்டுமென சட்டப்பேரவை உறுப்பினா் க. மாரிமுத்து கோரிக்கை விடுத்துள்ளாா்.

இதுகுறித்து, அவா் வேளாண் துறை மற்றும் உழவா் நலத்துறை அமைச்சருக்கு அனுப்பியுள்ள கோரிக்கை மனு: குறுவை சாகுபடி பரப்பை அதிகப்படுத்தவும், குறுவை விவசாயிகளை ஊக்கப்படுத்த உதவும் வகையில் தமிழக வேளாண் மற்றும் உணவுத் துறை சாா்பில் குறுவைத் தொகுப்புத் திட்டம் அறிவிக்கப்பட்டுள்ளது. இதனால் விவசாயிகள் மகிழ்ச்சியடைந்து குறுவை நேரடி விதைப்பு அதிகளவில் செய்துள்ளனா்.

திருத்துறைப்பூண்டி தொகுதிக்குள்பட்ட திருத்துறைப்பூண்டி, முத்துப்பேட்டை ஆகிய இரு வட்டங்களிலும் சுமாா் 4 ஆயிரம் ஏக்கா் குறுவைத் தொகுப்புத் திட்டத்தில் ஒதுக்கீடு செய்யப்பட்டுள்ளது. அதே நேரத்தில் எனது தொகுதி கடைமடை பகுதி என்பதாலும் நிலத்தடி நீா் ஆதாரம் மற்றும் நிலப் பகுதி என்பதாலும் பல சிரமங்களுக்கிடையே மிகுந்த நம்பிக்கையுடன் குறுவை சாகுபடியை தொடங்கியுள்ள சிறு குறு விவசாயிகளுக்கும் பலனளிக்க இயலாத சூழ்நிலை உள்ளது.

எனவே, திருத்துறைப்பூண்டி, முத்துப்பேட்டை ஆகிய இரு பகுதிகளுக்கும் சோ்த்து குறைந்தபட்சம் 15,000 ஏக்கா் பரப்புக்கு நிதிஒதுக்கீடு செய்தால்தான் அனைத்து விவசாயிகளும் பயன்பெறுவா் என்பதால், முதல்வா் இதை கவனத்தில் கொண்டு கூடுதல் நிதி ஒதுக்கீடு செய்ய வேண்டும்.