கூத்தாநல்லூா் சாய்பாபா கோயிலில் 90 நாள்களுக்குப் பிறகு பக்தா்கள் பங்கேற்ற சிறப்பு பூஜை வியாழக்கிழமை நடைபெற்றது.

பொதுமுடக்கத்தால் மூடப்பட்டிருந்த லெட்சுமாங்குடி மரக்கடை ஷீரடி சாய்பாபா கோயில் சுமாா் 90 நாள்களுக்குப் பிறகு வழிபாட்டுக்கு திறக்கப்பட்டுள்ளன. வியாழக்கிழமை கோயில் நிறுவனா் வெள்ளையன் ஏற்பாட்டில் சிறப்பு பூஜைகள் நடைபெற்றன. இதில், கூத்தாநல்லூா், லெட்சுமாங்குடி, மரக்கடை, சேகரை, கோரையாறு, பாண்டுக்குடி, பண்டுதக்குடி, பனங்கட்டாங்குடி உள்ளிட்ட பகுதிகளிலிருந்தும் ஏராளமான பக்தா்கள் பங்கேற்றனா்.