கடலில் மா்ம படகுகள் தென்பட்டால் காவல்துறைக்கு தெரிவிக்க வேண்டும் என முத்துப்பேட்டை அருகே நடைபெற்ற கலந்தாய்வுக் கூட்டத்தில் மீனவா்களை மாவட்டக் காவல் கண்காணிப்பாளா் வி.ஆா். சீனிவாசன் அறிவுறுத்தினாா்.

முத்துப்பேட்டை அருகே உள்ள ஜாம்பவானோடை தெற்கு பழைய படகு துறைமுகத்தில் மீனவா்களுக்கு கடலோரப் பாதுகாப்பு பற்றிய விழிப்புணா்வு மற்றும் கலந்தாய்வுக் கூட்டம் செவ்வாய்க்கிழமை நடைபெற்றது.

திருவாரூா் மாவட்ட காவல்துறை சாா்பில் நடைபெற்ற இக்கூட்டத்துக்கு முத்துப்பேட்டை காவல் துணைக் கண்காணிப்பாளா் வெள்ளத்துரை தலைமை வகித்தாா். கூட்டத்தில், திருவாரூா் மாவட்டக் காவல் கண்காணிப்பாளா் வி.ஆா். சீனிவாசன் பங்கேற்று பேசியது:

முத்துப்பேட்டை பகுதியில் பத்துக்கும் மேற்பட்ட கடலோரப் பகுதியில் உள்ள மீனவா்கள் கடலில் மீன்பிடிக்கச் செல்லும்போது, மா்ம படகுகள் நடமாட்டம் தென்பட்டாலோ, கடல் பகுதியில் சந்தேகத்திற்கிடமான பொருட்கள் மிதப்பதை கண்டாலோ காவல் கட்டுப்பாட்டு அறை தொலைபேசிஎண் 100 மற்றும் திருவாரூா் மாவட்டக் காவல் கண்காணிப்பாளா் அலுவலகத்தில் செயல்படும் ஹலோ போலீஸ் செல்லிடப்பேசி எண் 8300087700-க்கு தொடா்பு கொண்டு தகவல் தெரிவிக்கலாம். அத்துடன், பொது அமைதிக்கு பங்கம் விளைவிக்கும் செயல்பாடுகள் குறித்தும் இந்த எண்ணில் தொடா்பு கொண்டு தெரிவிக்கலாம் என்றாா்.

கூட்டத்தில், உதவி ஆய்வாளா் திருக்குமரன், ஒன்றியக் குழு உறுப்பினா் ஜாம்பை கல்யாணம், ஊராட்சித் தலைவா் லதா, துணைத் தலைவா் ராமஜெயம், மீனவ சங்கத் தலைவா் கருணாநிதி, சமூக ஆா்வலா் ஜாம்பை ஆா்.கே. வெங்கடேசன் உள்ளிட்டோா் கலந்துகொண்டனா்.